Эвакуатор төягәндә хуҗасы килеп җитсә, машинаны барыбер алып китәләрме?

Бу турыда «Татар-информ» яза.

Казанда яшәүче хатын-кыз прокуратурага мөрәҗәгать итә. Ул машинасын эвакуацияләүгә дәгъва белдерә. Бу турыда ТР прокурорының өлкән ярдәмчесе Руслан Галиев сөйләгән.

Әлеге хатын-кыз машинасын тукталу тыела торган билге янында калдыра. Эвакуатор алып китә башлагач, машинаның сигнализациясе эшли. Хуҗа хатын урамга йөгереп чыга һәм инспекторга мөрәҗәгать итә, ул машинаны калдыруларын сорый. Ләкин инспектор машинаны бары тик махсус стоянкадан гына алырга мөмкин булуын әйтә.

Закон буенча, автоинспектор машинаны хуҗабикәгә урында ук бирергә тиеш. Аңа карата административ эш ачканнар. Суд полиция хезмәткәренә 20 мең сум штраф салган.

Россия Эчке эшләр министрлыгының Казан буенча ЮХИДИ бүлегенә тиешле күрсәтмә бирелә. Анда махсус тукталышка илтү һәм саклау өчен түләмичә, машинаны хуҗабикәсенә кайтару таләп ителә. Автоледи юл йөрү кагыйдәләрен бозган өчен штраф түләгәч, прокуратура таләбе үтәлә, диелә хәбәрдә.

Чыганак: Интертат