Помидорлы, сырлы самса

Бу юлы ул тәкъдим иткән самса да гадәти генә түгел – яшелчәле, сырлы самса. 
Венера ханымның рецепты белән шушы самсаны пешереп карагыз әле. Ул, әлбәттә инде, бик тәмле һәм туклыклы. Камыры кетердәп тора, помидор, салат яфрагы һәм сыр эчлегенә сусыллык һәм үзенчәлекле тәм бирә. Һәркемнең кулыннан килерлек, җайлы гына әзерләнә. 

Кирәк (камыр өчен)
250 мл җылымса кайнаган су;
400 г он;
1 чәй кашыгы тоз;
100 г йомшарган атланмай.
Эчлек өчен:
300 г ит;
2 баш эре суган;
100 г сыр;
1-2 помидор;
бер тотам яшел салат яфрагы;
тәменчә тоз-борыч, паприка.
Моннан тыш, самсаларның өстенә сылар өчен бер йомырка да кирәк булачак. 

Эш барышының видеосын моннан карый аласыз: Сөембикә (фото да әлеге сайттан алынды)