Арча кешеләре яңа елны төрмәдә каршылады

Арчаның җәза үтәтү инспекциясендә иреген чикләүгә хөкем ителгән Л. спиртлы эчемлек эчеп йөреп хөкем карарын тиешле дәрәҗәдә үтәмәде. Срогы бетәргә аз гына вакыт калуга карамастан, аңа карата хөкем карары үзгәртелде. Шулай ук, төзәтү эшләренә хөкем ителгән К. га карата да, аракы белән мавыгып, эшкә бармыйча өйдә ятуны кулай күргәне өчен хөкем карары үзгәртелде. Ике егеткә дә хөкем карарлары катгыйландырылып, алар “яңа елны каршы алырга” колониягә озатылды, дип хәбәр итә җәза үтәтү инспекциясе җитәкчесе Клара Кадимова.