13–16 ноябрь көннәрендә Менделеевск шәһәрендә 2020 елда Токиода узган Олимпия уеннарының көмеш призёры Татьяна Минина призларына таэквон-до (ВТФ) буенча ачык турнир һәм мастер-класс узды. Ярышларда төрле шәһәрләрдән килгән 300 спортчы катнашты
Арча командасы ярышларга 7 спортчы составында барып, бик матур нәтиҗәләр күрсәтте: 1 алтын, 2 көмеш һәм 2 бронза медаль яулады
Алтын медаль – 57 кг авырлык категориясендә, 12–14 яшьлек егетләр арасында чыгыш ясаган Эмиль Самиев. Ул Ульяновск шәһәреннән ике һәм Ижаудан бер спортчыны җиңеп, турнир чемпионы булды.
Көмеш медальләр – 10–11 яшьлекләр арасында чыгыш ясаган Даниил Ондрин һәм Регина Сабирҗанова .
Бронза медальләр – Зәлия Дәүләтшина (12–14 яшь, 51 кг) һәм Даниил Герасимов (10–11 яшь).
Амелия Ишмиярова һәм Фәрид Ярмиев үз категорияләрендә 5 нче урынны алдылар. Призлы урыннарга ирешү өчен аларга бер генә җиңү җитмәде.
Фотолар: Арча спорт мәктәбе
Нет комментариев