Арчада автоледиларны котладылар

Арча эчке эшләр бүлегенең ЮХИДИ бүлекчәсе хезмәткәрләре юлга чыгып, руль артында хатын-кызлар булган машиналарны туктатты һәм аларны бәйрәм белән котлады. Әлбәттә, гүзәл затларыбыз башта куркып калды. Эшенең нидә икәнен белгәч һәм чәчәк бәйләме сузгач кына, жиңел сулыш алып, хатын-кызларга гына хас матур итеп елмайды.

- Мондый әйберне күргән юк иде әле, беренче тапкыр очрады. Курыктым, - диде Энҗе Касыймова.

Бәйрәм белән, руль артындагы хатын-кызларыбыз!

Бу котлауларга "Беренчеләр" хәрәкәте кызлары дә кушылды.

Хәзер Арча һәм Арча районы яңалыкларын безнең МАКС каналыннан  да белә аласыз