Арчада Россия көне алдыннан яшүсмерләргә паспорт бирелде

Паспорт алуны балачактан олы тормышка күчү белән тиңләп була. Чөнки паспортлы булгач, бурычларың, җаваплылыгың арта, бер башка үсеп, өлкәнәеп киткәндәй буласың.

Яшүсмерләргә тәүге документларын Арча муниципаль районының иҗтимагый Совет рәисе, Татарстан Республикасындагы кеше хокуклары буенча Арча районындагы вәкиле Надия Мифтахетдинова һәм Россиядәге Беренчеләр Хәрәкәтенең җирле бүлеге җитәкчесе Лия Ильина кулыннан алу насыйп булды. Паспорт белән бергә алар тәүге документларының тышына һәм «Тарихны саклаучылар» значогына ия булды.

Бәйрәмне Әнвәр Хәлфин, Ранел Гаптелбәров, Әминә Йосыпова башкаруындагы җырлар ямьләде.