"Арча хәбәрләре" һәм "Сахапечать" тәҗрибә уртаклашты

Якутия көннәре 8 июньнән 10 июньгә кадәр дәвам итә. 

Әлеге вакыйга кысаларында "Сахапечать" генераль директоры Нюргуяна Стручкова һәм " Ulus.Media" баш мөхәррире Евдокия Ефимова безнең редакциядә кунак булдылар. "Арск-информ" редакциясенең баш мөхәррире Исрафил Насыйбуллин коллегаларга экскурсия уздырды, эшчәнлек белән таныштырды. 

"Сахапечать" оешмасының генераль директоры эшчәнлекнең охшаш булуын, тик шулай да безнең редакциядән яңа идеяләр белән кайтып китүен әйтте. "Минем нәкъ менә җир кешесенең эшен күрәсем килде. Шәһәрдә 9нчы катта эшләүчеләр белән түгел, районда коллегалар белән тәҗрибә уртаклашырга теләдем"- дип ассызыклап китте Нюргуяна ханым.

Исрафил Насыйбуллин сүзләренчә, хәзерге мәгьлүматка бай тормышта социаль челтәрләрдә аралашып торсак та, турыдан-туры аралашуны берни алыштыра алмый. Мондый очрашуларның кабат буласына ышанып, ерак араларны якын итеп килүче коллегаларга уңышлар теләдек.