Арча муниципаль районы халкына түләүсез юридик ярдәм

Әгәр Сез Арча районында яшисез һәм сезгә юридик ярдәм кирәк икән -аны алу мөмкинлеге бар! Татарстан Республикасы Юстиция министрлыгы район халкына түләүсез юридик ярдәм күрсәтү буенча чара уздыра. Квалификацияле юридик ярдәм түләүсез юридик алу хокукына ия гражданнар категорияләре һәм алар мөрәҗәгать итә ала торган мәсьәләләр билгеләнгән «Татарстан Республикасында гражданнарга түләүсез юридик ярдәм күрсәтү турында» Татарстан Республикасы Законы нигезендә түләүсез күрсәтелә.

Консультация 2021 елның 12 августында Арча муниципаль районы Башкарма комитеты мәйданчыгында видеоконференция форматында узачак. Тулырак мәгълүматны белер һәм кабул ителүгә язылыр өчен 8 (843) 663 -10-44 телефонына шалтыратырга яки мөрәҗәгатегезне Leysan.Sagitova@tatar.ru электрон почта адресына җибәрергә мөмкин.

Бүгенге көндә түләүсез юридик ярдәм күрсәтүдә йөз илледән артык адвокат катнаша: алар Сезгә шикаятьләр һәм гаризалар язуда ярдәм итәләр, телдән һәм язма консультацияләр үткәрәләр.

Моннан тыш, республика халкы Татарстан Республикасы Юстиция министрлыгының Түләүсез юридик ярдәм үзәгенә мөрәҗәгать итә ала. Министрлык белгечләре дәүләтнеке һәм дәүләтнеке булмаган системалар вәкилләре белән берлектә гражданнарны  һәр сишәмбе һәм пәнҗешәмбе көннәрендә кабул итәләр. Үзәктә кабул ителүгә 8(843)222-60-60 «кайнар линия» телефоны буенча эш көннәрендә 9:00 дән 18:00 гә кадәр язылырга мөмкин.