Арчада иң яхшы татар теле һәм әдәбияты укытучысын сайладылар

автор, 28 гыйнвар 2020 - 09:14

2157

Бу бәйгедә Арча, Әтнә, Кукмара, Теләче, Биектау, Балтач районнарыннан берәр укытучы катнашты. Алар үзләренең һөнәри осталыклары, уңышлы эш алымнары белән тәҗрибә уртаклаштылар.

Арчада иң яхшы татар теле һәм әдәбияты укытучысын сайладылар

24 нче гыйнвар көнне Арча районында “Иң яхшы татар теле һәм әдәбияты укытучысы” Бөтенрәсәй бәйгесенең зона этабы Арча шәһәренең 6 номерлы урта мәктәбендә башланды. Бәйге нигезләмәсе буенча, укытучылар ачык дәрес һәм осталык дәресе күрсәттеләр. Арча районы данын Яңа Кенәр урта гомуми белем бирү мәктәбенең татар теле һәм әдәбияты укытучысы, район туры җиңүчесе Ләйсән Нигъматуллина яклады.