Арчада киләсе елга бюджет проектын тикшерделәр
Бүген район Советының чираттагы өченче утырышында 2021 елга бюджет проекты каралды.
Аның белән Финанс-бюджет палатасы җитәкчесе Светлана Галимова таныштырды. Бюджет керем һәм чыгым ягы тигез булып ( 1 283 440,41 мең сум) дефицитсыз булыр дип фаразлана. Бюджет проекты белән сез газетабызның чәршәмбе санында таныша аласыз. Аның буенча район Советының утырышлар залында 26 ноябрьдә көндезге икедә җәмәгать тыңлаулары да булачак.
Район башлыгы урынбасары Алсу Мөхәммәтова Арча районында дин һәм милләтара мөнәсәбәтләрнең торышы турында чыгыш ясады. Шөкер, бу мәсьәләдә зарланырга сәбәп юк. Бездә төрле дин һәм милләт вәкилләре дус, бердәм яши. Әмма бу өлкәдә вәзгыять һәрвакыт хакимият,хокук саклау органнары һәм киң җәмәгатьчелекнең даими күз уңында булырга тиеш.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев