Әрлән дә исән, күңел дә тыныч

Иртән күрше шалтырата,чыгып кер әле, ди. Чыктым, күрештек: “Теге җәнлек тагын эләккән”, – ди. Теге җәнлек дигәне – әрлән. Узган ел алар күршеләргә ияләшеп алганнар иде.

Күрше су багының капкачын ачып күрсәтә – ул җәнлекнең матурлыгы! Нишләтергә моны? Киңәшкәч, уртак фикергә килдек – ураза аенда рәнҗетергәярамый, шулай ук калдырырга да ярамый. Чөнки бар җирне казып бәрәңге, яшелчәгә зыян салып үзәккә үтәчәкләр. Иң дөресе – ераккарак илтеп табигать кочагына җибәрү. Озын кышны исән чыккан, матур язга куанып яши бирсен.

Бераздан күрше шалтыратты, юл уңаенда агачлыкка җибәргән, буаз ахрысы, әкрен генә кереп китте, ди.

Хәзер Арча һәм Арча районы яңалыкларын безнең МАКС каналыннан  да белә аласыз