Аюның эзенә төштек

 Бүген эшкә килгәч, бу хәбәрнең никадәр дөрес икәнлеген ачыкларга керештек. Ачыклый торгач, "Игенче" ширкәтендә сак хезмәте җитәкчесе Раиль Рәхмәтуллинга чыктык.  Аюның үзен күрмәгәннәр булып чыкты, эзен генә...

Эзен фотога да төшереп алганнар. Фотоны бер аучыга күрсәткәннәр. Аучы бу аю эзе түгел, дигән. Я селәүсеннеке (рысь), я этнеке, дигән.

Фотоны Раиль Рәхмәтуллин безгә ватсапка салды. Редакциядә эшләүче Ильяс Фәттахов (район аучылар җәмгыяте рәисе): 

-- Бу рысь эзе, -- диде. -- Рысь тырнакларын яшерә, күрсәтми...

Ә аю эзендә аның эре тырнаклары ап--ачык күренеп, ярылып ята.

Бу фотоны Арча Питомнигы янындагы алма бакчасы тирәсендәге агач полосасында төшереп алганнар.