Балаларга бүләкләр дә тапшырылды

Яңа Кенәр балалар бакчасында «Яшел урам, яшел урман, яшел ут!» дигән чара булды.

Ул Арча эчке эшләр бүлегенең ЮХИДИ бүлекчәсе, “Юл хәрәкәте куркынычсызлыгы” дәүләт бюджет учреждениесе белән берлектә үткәрелде. Балалар урман җәнлекләре булып киенеп сәхнәләштерелгән күренеш тәкъдим иттеләр, светофор, юл билгеләре турында шигырьләр сөйләделәр. Шулай ук юл аркылып чыкканда истә тотарга кирәкле кагыйдәләрне кабатладылар. Соңыннан флеш-моб булды. Балалар рәхәтләнеп бергәләп биеделәр. Истәлеккә барысына да бүләкләр дә тапшырылды.