Чит илгә чыгармаганнар

Ел ахырында әҗәтләре булганнарны чит илгә чыгармаячаклары, таможняда тоткарлаячаклары турында язып чыккан идек. Шуңа да карамастан Арчадан бер кеше гаиләсен алып чит илгә ялга китәргә булган. Аның кредит буенча 30 мең сумга якын әҗәте бар икән. Кире борачаклары турында белә торып юлга җыенган бит. Ахыры ничек тәмамлангшан дисезме? Гаиләсе чит илгә киткән, ә үзе әҗәтен түләргә Арчага кире кайткан. Бу хәл 7 гыйнварда булган. Ул чикләүләрне алганнан соң гына юлга чыккан. Бу хакта безгә суд приставлары начальнигы Алмаз Лотфуллин хәбәр итте.