Элекке данын кире кайтарырга!

“Ак барс” агрокомплексы” ширкәтенең яңа җитәкчесе Ленар Абдуллин терлекчеләр белән очрашуда әнә шундый бурыч куйды.

Ул башта ветеринария табибы Илназ Гыйниятуллинга, 50 яшьлек юбилее уңаеннан сыер савучы Лилия Шиһабиевага район башлыгының Рәхмәт хатларын тапшырды.

Бүгенге көндә иң мөһиме - терлекчеләр коллективын яңадан туплый алганнар. Тәүлеккә 24 тонна сөт савалар.

Ленар Абдуллин хатын-кызларны бәйрәм белән котлады, һәркайсына чәчәкләр бүләк иттеләр. Расих Галимҗанов белән Вәгыйз Әһлиуллин матур җырлар белән күңелләрне күтәрделәр. Үз талантлары, терлекче Илсур Галиәкбәров та артистлардан ким түгел. “Монда безнең туган җиребез” дип шигырьләр сөйләде, сыер савучы Җәмилә белән көтүче җырын шәп итеп башкарды.