Эх, яшьлеккә кайтып килсәң иде

Өлкәннәр ункөнлегендә күп оешмада, мәктәп, мәдәният учреждениеләрендә очрашулар, кичәләр узды. Кайбер мәктәпләрдә хәтта аерым сыйныфлар да өлкәннәр көнен билгеләп үткән.

“Алтынчы мәктәпнең 6“Б” сыйныфында өлкәннәр көненә багышлап “Эх, яшьлеккә кайтып килсәң иде” дигән матур кичә булды. Безне, әби-бабайларны кунакка чакырдылар. Әби-бабайлар оныкларын кызыксындырган сорауларга җаваплар, киңәшләр бирде, аларга теләкләрен җиткерде. Чын мәгънәсендә өлкән буын белән балаларның очрашып фикер алышуы булды ул. Яшьлек елларында ишетеп, җырлап үскән җырлар яңгырады, алар берәүне дә битараф калдырмады. Күңелләр булды, күзләр яшьләнде”, – дип хәбәр итте безгә Фәридә Мифтахова Һәм кичәдә катнашкан барлык әби-бабайлар исеменнән очрашуны оештырган, бүләкләргә кадәр әзерләгән сыйныф җитәкчесе Гөлсирә Вагыйзовнага  рәхмәтен белдерде, эшендә уңышлар теләде.