Геройлар көненә багышлап

8 декабрьдә "Казан арты" тарих-этнография музеенда Ватан геройлары көненә багышлап эчтәлекле, матур кичә оештырылды 
Район башлыгы Илшат Нуриев үзенең чыгышында безнең районнан дүрт Советлар Союзы Герое, алты Социалистмк Хезмәт Герое чыгуын әйтеп үтте. Илебез азатлыгын яклап 15 меңнән артык якташыбыз һәлак булган. 
Райондашларыбыз ил мәнфәгатьләрен яклап хәрби бурычларын намус белән үтәп киләләр. Бүген егетләребез махсус хәрби операциядә геройларча көрәшә.
Илшат Нуриев Бөек Ватан сугышында хәбәрсез югалган дип исәпләнгән якташларыбызның якыннарына аларның язмышларын ачыклаган документлар тапшырды.