Кибет һәм базарларда шартлаткычлар сатыла башлады

 Тиздән яңа ел бәйрәмнәре килеп җитә һәм бу вакытта пиротехник эшләнмәләр бик актив кулланыла. Арча һәм Әтнә районнары буенча янгын күзәтчелеге бүлеге сезгә пиротехника белән эш иткәндә үтәлергә тиешле кагыйдәләрне исегезгә төшереп үтә. Кибет һәм базарларда шартлаткыч уенчыклар сатыла башлады: салютлар, питардалар, хлопушкалар х.б. Бу товарларны сатучыга да, сатып алучыга да билгеле кагыйдәләр бар: товарның сертификаты булырга һәм махсус тимер коробкаларда сакланырга тиеш; сату мәйданнары буленгән һәм огнетушительләр белэн тәэмин ителгән булырга тиеш; 16 яше тулмаган балаларга бу төр товарларны сату катгый тыела. Инде пиротехник эшләнмәне сатып алган очракта, куллану инструкциясен укырга онытмагыз. Пиротехник эшләнмәне бина эчендә кулланырга, утка ыргытырга, кабызган килеш кулда тотып торырга, тәмәке кабызырга ярамый.Кабызылган петардаларны кешеләр, хайванар ягына ыргытмаска. Юешләнгән пиротехник эшләнмәләрне электр плитәләренә, җылыту батареяләргә куеп киптеру тыела.

Янгын вакытында “01”, “112”, Арча янгын сүндеру часте 3-59-01 номерлары аша хәбәр итәргә.

Арча һәм Әтнә районнары буенча янгын күзәтчелеге бүлеге өлкән дәүләт инспекторы Мухаметзянов Ф.Т.