Ике мотоцикл йөртүчегә беркетмә төзелде

Арчада 22 июльдән 31 июльгә кадәр “Мотоцикл” профилактик чарасы барды. Ул мотоцикл белән идарә итүчеләр тарафыннан юл һәлакәтләрен киметү максатында үткәрелде. 30 июль көнне Россия эчке эшләр министрлыгының Арча районы буенча бүлегенең ЮХИДИ бүлекчәсе хезмәткәрләре тарафыннан рейд оештырылды.

 – Ике мотоцикл йөртүчегә административ беркетмә төзелде, мотоцикллары вакытлыча тору урынына куелды, – диде ЮХИДИ бүлекчәсе җитәкчесе Рөстәм Хәкимов. – Ике очракта да мотоциклда 15-16 яшьлек яшүсмерләр иде. Икесенең дә мотоцикл йөртү хокукы биргән таныклыклары юк.