Арча яңалыклары
Арчада җил-давыл ат ярышы тәмамланганны гына көтеп торган диярсең...
Чыннан да, шулай булды. Фотода кара болыт озата бара... Кара болыт хикмәтләр алып килде.
Ат ярышы көндезге сәгать 1дә башланып китте. Ярышлар тыныч үтте. Дөрес, старттан кузгалып китмәгән ат булды. Ярышлар тәмамланып, кайту ягына кузгалуга җил- давыл чыгып, яңгыр тамчылый башлады. Казансу елгасы аша җәяүлеләр күперенә килеп кердек. Халык бар да йөгерешә. Куркынган, әсәрешкән. Яңгыр коя башлады. Боз белән бергә. Ышыкланырга бер ачык палатка эченә кердек. Каты яуды яңгыр. Палатканы җил күтәреп алып китмәгәе дип кот алынды. Яңгыр басыла төшкәч, тауга менүче баскычка ашыктык. Баскычтан шаулап ташу ага. Асфальт юлдан да гөрләвекләр ага. Район мәдәният йорты янында җил-давылдан зыян күргән машинага тап булдык. Хуҗаларына Аллаһы Тәгалә ярдәм бирсен.
Бакчада помидор үсентеләре авып беткән иде. Кыярларны сындырган...
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев