Арча яңалыклары
Иртәгә балаларны планлы вакцинацияләү башлана
Татарстанда барлык медицина оешмалары да 12 майдан ике юнәлеш буенча эшчәнлекләрен башлап җибәрәчәк. Бу хакта брифингта Роспотребнадзорның ТР буенча идарәсе җитәкчесе Марина Патяшина хәбәр итте.
Беренче юнәлеш — декретацияләнгән контингентны алдан язылу һәм барлык кирәкле иминлек чараларын үтәп медицина тикшерүләрен үткәрү. Сүз азык-төлек продуктларын һәм эчәргә яраклы суны җитештерү һәм сату, балаларны тәрбияләү һәм укыту, коммуналь һәм көнкүреш хезмәте күрсәтү өлкәләрендә эшләүче кешеләр турында бара.
«Икенче юнәлеш — без балаларны планлы вакцинацияләүне яңадан башлап җибәрәбез.
Моның өчен балалар поликлиникалары участокларда вакцинация вакытының кемгә килеп җитүен анализларга һәм балаларны алдан язылу буенча чакырырга тиеш», — диде Патяшина.
Поликлиникаларда кешеләр күп җыелуны һәм чират булдырмау таләп ителә. Термометрияне үткәрергә һәм пациентлардан анамнез җыярга кирәк, дип ассызыклады спикер.
Татар -информ
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев