Үкчәң ярылу - авыру күрсәткече

Үкчә ярылу өлкән яшьтә барлыкка килергә мөмкин. Шулай ук, ул тәннең артык авырлыгы, табаннарны даими карап тормау һәм төрле авырулар (ашказаны-эчәк тракты, шикәр чире, диатез, гөмбәчек һәм башкалар) нәтиҗәсендә дә барлыкка килергә мөмкин.

Үкчәләр ярылганда табибка күренергә кирәк. Шулай ук халык ысулы белән дә дәваланып карагыз.

Бераз суган кабыгы кайнатып, шуңа яңа гына җыеп алынган һәм вакланган бака яфрагы кушыгыз (күләмнәре тигез булырга тиеш). Килеп чыккан катнашмага 1 бал калагы тулыр-тулмас үсемлек мае һәм шулкадәр үк бал һәм он кушыгыз.

Яхшылап камыр басып, аны бераз җәегез һәм авырткан урыныгызга куеп, бинт яисә лейкопластырь белән беркетегез. Әлеге процедура алдыннан аякларыгызны җылы суда тотып, йомшартыгыз.
Сәламәт булыгыз!

Фото: ru.depositphotos.com

https://kiziltan.rbsmi.ru/articles/zdorovie/kch--yarilu-aviru-k-rs-tkeche-234409/