Короновирустан баш табиб үлгән

автор, 18 февраль 2020 - 18:47

2180

Ул әлеге авыру таралу турында беренчеләрдән булып хәбәр иткән һәм ялган паника таратуда гаепләнгән.

Ли Вэньлян Ухань үзәк дәваханәсендә эшләгән. Ул Weibo микроблоглар сервисында 11 гыйнварда ютәл һәм югары температура барлыкка килүен язган. 1 февральдә соңгы басмада ул коронавирус йоктыруы раслануын хәбәр иткән.

Табибка 34 яшь булган. Хезмәттәшләре "РИА-Новости" агентлыгына аның кичә вафат булуын раслаган.

Утызынчы декабрь көнне Ли Вэньлян WeChat социаль челтәрендәге хезмәттәшләренә Хуананьның диңгез продуктлары базарында SARSның (атипик пневмония) җиде очрагы раслануы хакында язган. Ул чакта табиб авыруның яңа коронавирус штаммы башлануын белмәгән әле.

Пост Кытай социаль челтәрләре буенча таралган. Докторга бу җәһәттән шелтә белдерелгән.

Бу көннәрдә сәламәтлеккә аеруча ихтибарлы булыйк, җәмәгать. Кулларны, борын куышлыгын гадәттәгедән берничә тапкыр ешрак юу кирәклеге турында онытмыйк!

https://kiziltan.rbsmi.ru/articles/zdorovie/Koronovirustan-bash-tabib-lg-n-127732/