«Күңелле балачак» һәм «La Primavera» бер сәхнәдә чыгыш ясады

Концертта проект лауреатлары чыгыш ясады. Арча балалар сәнгать мәктәбеннән «Күңелле балачак» вокаль ансамбле (җитәкчеләре — Ганиева А. И., Зиннатуллина Р. Р.) Рөстәм Абязов җитәкчелегендәге «La Primavera» камера оркестры белән бергә сәхнәгә чыкты.

Рөстәм Абязов — Татарстанның һәм Россиянең атказанган сәнгать эшлеклесе, Татарстанның халык артисты, Г. Тукай исемендәге Дәүләт премиясе лауреаты. Аның җитәкчелегендәге оркестр белән бергә уйнау — һәр яшь музыкант өчен зур мактау һәм иҗади тәҗрибә.

Концертның максаты — яшь талантларның иҗади потенциалын ачу һәм республика күләмендә мәдәни мирасыбызны тулыландыру. «Звезды из завтра» проекты бурычы — балалар һәм яшьләр арасында музыка сәнгатен үстерүгә өлеш кертү, иҗатка омтылучыларны таныту.

Чыгышлар күңелләрне сөендерде, тамашачылар яшь артистларны җылы каршы алды. Бәйрәм музыка сәнгате яратучылар өчен истәлекле вакыйга булып калды.