«Кырлай» ширкәтендә техник карау нәтиҗәләре буенча иң яхшы механизаторларны бүләкләделәр

2025 елның 5 апрелендә “Ак барс” һәм “Кырлай” ширкәтләрендә үзйөрешле машиналарны һәм тагылмаларны еллык техник карау узды.

“Ак Барс” агрокомплексы 45, “Кырлай” агрофирмасы 54 берәмлек техника тәкъдим итте. Техника куелган таләпләргә туры килә”, – дип билгеләп үтте Татарстан Республикасы Дәүләт техника күзәтчелегенең Арча муниципаль районы буенча бүлеге баш дәүләт инженер-инспекторы Габделхак Касыймов.

Техниканы язгы кыр эшләренә иң яхшы әзерләгән өчен техник карау нәтиҗәләре буенча “Кырлай” агрофирмасы механизаторлары арасында җиңүчеләр билгеләнде: 1 урынны Гомәров Раил Фаил улы, 2 урынны Закиров Раил Рифкать улы, 3 урынны Габделкадыйров Рәис Габдрәүф улы алды, алар Рәхмәт хатлары һәм акчалата премияләр белән бүләкләнделәр.

Хәзер Арча һәм Арча районы яңалыкларын безнең Telegram-каналдан да белә аласыз