Кыздырып башланган Кенәр Сабантуе җил-давыл белән тәмамланды

Арча белән бер үк көнне узган Кенәр Сабантуе озак елларга истә калырлык булды. Иң төп ярыш - көрәш башланыр алдыннан җилләп-давыллап яуган көчле яңгыр турында сүзем. Кызу көнне кинәт кенә яңгыр алыштырды.

Яңа Кенәр сабан туе көндезге 10нар тирәсендә башланып китте. Традицион уеннар, концерт номерлары матур гына барды. Авыл җирлеге башлыгы Рафаэль Фәхретдинов милли бәйрәмебез белән котлап, Сабантуйны ачып җибәрде.

Тик көндезге сәг. икедән соң кинәт көчле җил чыгып, күкне караңгылык каплады. Арчада явып үткән бозлы яңгырның бирегә дә килеп җитүен аңлап, халык чабыша башлады. Мәйданда барган уеннар, ярышлар туктатылды, халык качкан җирләрендә яңгырның тынуын көтте.

Ике сәгать тирәсе барган мондый һава торышы халәте бераз тынганнан соң, көрәш, аркан тарту, кул көрәше ярышлары уздырылды. Сабантуйның батырлары билгеләнде, бүләкләр тапшырылды. Җиңүчеләрне ялт иткән кояш озатып калды.

Һава торышы кинәт үзгәрү, бәхеткә каршы, зур зыян салмады