Мәдәният хезмәткәрләре көне белән котлау

Хөрмәтле мәдәният хезмәткәрләрен, әлеге өлкәдә хезмәт куйган мөхтәрәм ветараннарыбызны һөнәри бәйрәмебез, 25 март – Мәдәният хезмәткәрләре көне һәм 27 март – Халыкара театр көне белән чын күңелдән тәбрик итәбез. Яз фасылы әйләнә-тирә дөньябызны үзгәрткән, табигатькә яңа сулыш өргән кебек, мәдәният тә тормышка ямь өсти, кешелекне рухландыра, иҗади мөмкинлекләр ача. Үзенең гомерен мәдәният белән бәйләгән кешеләр тирән ихтирамга лаек. Башкалар ял иткән вакытта сез, күңел җылыгызны кызганмыйча, халыкка хезмәт итәсез, матурлык бүләк итәсез. Сезгә сәламәтлек, гаиләләрегезгә иминлек, күңел күтәренкелеге, яңа иҗади идеяләр телибез. Яраткан эшебезнең игелеген күреп яшәргә язсын!

Арча район Мәдәният йорты һәм профсоюз комитеты коллективы