Мин авылны яратам, моннан китәргә исәп юк...

“Җайларыннан гына торабыз, каты бәрелергә дә ярамый үзләренә, – ди ул. – Араларында алтынга тиңнәре бар. Менә Рамил Сибгатуллин – шуларның берсе. Бер үзенә ике комбайн, тракторы да бар.

Рамил бу көнне “МТЗ“ тракторы белән салам ташый иде, үзе үк пресслый да. Егет кешенең егетләрчә инде – тракторы әллә кайдан балкып тора, бизи алганча бизәгән дә, күңел биргән кеше генә шулай эшли ала.

– 9нчы классны тәмамлагач 3 ел Үрнәктә укыдым, – ди ул. – 2009 елдан тракторда. “Полесье“ комбайны белән азык әзерлим. Әтием Рамазан 43 ел тракторда эшләде, әни фермада сыер сауды, бозаулар карый. Ике абый бар, алар Казанда, мин авылны яратам, моннан китәргә исәп юк. 
Хәзерге вакытта ул кукуруз уруда эшли.