Ни өчен анысын муллалар укымый икән ?

автор, 24 май 2020 - 18:40

942

Хәзер мулла-абыстайлар раббәнәә әәтинәә догасының соңгы тынышын укымый. Элек әби-бабайлар укый иде бит. Сәбәп нидә?

Бу сорауга Балтач үзәк мәчете имам-хатыйбы Рамил хәзрәт Бикбаев җавап бирә:
- Әби-бабаларыбыздан таралган “Раббәнәә әәтинәә фиддунйәә хәсәнәтәү үә фил әәхыйрати хәсәнәтәү үә кыйнәә газәәбәннәәәръ», «вәхшүрнәә йәумәл кыяйәәмәти мәгәль-әбрар” догасына килгәндә, аның беренче өлеше Коръән аятеннән алынган (Әл-Бәкара сүрәсе), ә икенче өлеше өстәмә дога булып бара. Шул сәбәпле, намазда Коръәннән алынган өлеше генә укыла, намаздан тыш дога кылганда, багышлаганда өстәмә дога өлешен дә дәвам итеп уку күркәм гамәл.