Район башлыгы ялга кайткан райондашларыбыз белән очрашты

Арча район башлыгы Илшат Нуриев 4 августта мобилизация буенча махсус хәрби операциядә катнашучы, хәзерге вакытта ялга кайткан райондашларыбыз белән очрашты.

Очрашуда район хастаханәсе, социаль яклау бүлеге, хәрби комиссариат, “Сугышчан туганлык” оешмасы җитәкчеләре катнашты.

Район башлыгы районның махсус хәрби операциясендә катнашучылар белән даими элемтәдә торуын әйтте, ай саен гуманитар ярдәм җибәрелә, аларның гаиләләренә тиешле ярдәм күрсәтелә. Илшат Нуриев райондашларыбызга хәрби бурычларын намус белән үтәүләре өчен рәхмәт белдерде, исән-сау әйләнеп кайтуларын теләде.   

Контракт хезмәте турында күбрәк белергә телисез икән, монда басыгыз. Контракт хезмәткә җыю рәсми сайтында хәрбиләргә тиешле түләүләр, ташламалар һәм гарантияләр турында мәгълүмат урнаштырылган. Контракт хезмәте мәсьәләләре буенча кайнар линия контакт-үзәге телефоны - 117.