Арча яңалыклары
Тагын салкынайта
Атна уртасында Татарстанда янә температура төшәчәк. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.
Чәршәмбе, 29 апрельдә Арктикадан салкын һава киләчәк. Төнлә һава температурасы -1...+4 градус булачак. Яңгыр һәм юеш кар яварга, бозлавык булырга мөмкин.
Көндез атмосфера басымы артуы күзәтеләчәк. Урыны белән яңгыр яварга мөмкин. Һава температурасы 10-15 градус җылы булачак. Урыны белән җил секундына 15-20 метрга кадәр тизлек белән исәргә мөмкин.
30 апрельдә Татарстанда һава торышын чираттагы циклон билгеләячәк. Яңгыр көтелә. Моннан тыш, көнбатыштан һәм көньяк-көнбатыштан көчле җил, урыны белән секундына 15-20 метрга кадәр җитәргә мөмкин. Төнлә һава температурасы +4...+9 градус, ә көндез - +9...+14 градус.
Майның беренче көннәрендә республикада янә температура күтәреләчәк, чөнки төбәк циклонның җылы секторында булачак. 1 майда яңгыр көтелә. Төнлә һава температурасы +4...+9 градус, көндез - +14...+19 градус, дип фаразлый синоптиклар.
Шимбә, 2 майда Татарстанда җылы һава торышы, урыны белән яңгыр көтелә. Төнлә һава температурасы янә +5...+10 градус, ә көндез +16, +21 градуска кадәр җылытачак.
Татар-информ
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев