Таксист аптыраган

-- дип сөйләде безгә Казан таксисты. -- Минем музыкасыз йөргән юк. Һәрвакыт салонда матур көйләр агыла... Үземә дә, пассажирларга да рәхәт, күңелле. 

-- Музыканы туктатсагыз иде, -- диде кара киемленең берсе.

-- Нишләп? -- дип сорадым.

-- Безгә, дини кешеләргә музыка тыңларга ярамый.

-- Нишләп? -- дип сорыйм тагын.

-- Хисләргә бирелеп китүдән тыелырга кирәк...

Туктаттым музыканы. Ничектер күңелсез булып китте.

-- Шулай тагын бер тапкыр дини ир кеше утырды миңа. Бер районның имамы булып чыкты ул. Шунда ук музыканы туктатыйммы дип сорадым.

-- Уйнасын диде имам. Бу фани дөньяда музыка да тыңламагач... дип сөйләп китте имам.

Күңелгә рәхәт булып китте.

-- Аптыраган, -- дип сүзне дәвам итте әңгәмәдәшебез таксист. -- Музыка ярыймы, ярамыймы? Минемчә, ярый. Монда бернинди дә әшәкелек юк.

Хак уйлыйсыз! Без бу сорауны зур гыйлемле дини кешеләргә бирдек. Һәм алардан: "Ярый", -- дигән җавапны ишеттек.