Арча яңалыклары
ТР Сәламәтлек саклау министрлыгы һәм кулланучылар күзәтчелеге прививкага каршы булучыларга Covid-19 вакцинасы турында сөйләде
Вакцинация – коллектив иммунитетны арттыруның һәм яңа коронавирус инфекциясен җиңүнең иң ышанычлы юлы.
Яңа коронавирус инфекциясеннән вакцина зыянсыз, прививкага каршы булучылар дулкынына бирешергә кирәк түгел. Бу турыда “Татар-информ” мәгълүмат агентлыгында барган матбугат конференциясендә ТР Сәламәтлек саклау министры урынбасары Владимир Жаворонков әйтте.
“Коронавирустан вакцина зыян китерми, массакүләм вакцинация уздыру өчен вакцина уйлап табылды да. Без монда бернинди дә проблема күрмибез”, – диде спикер.
Владимир Жаворонков прививка кампаниясенең ирекле булуын билгеләп үтте.
Вакцинация – коллектив иммунитетны арттыруның һәм авыруны, шул исәптән яңа коронавирус инфекциясен җиңүнең иң ышанычлы юлы.
“Прививкага каршы булучылар бернинди фәнни дәлилләргә таянмый. Прививкалар нәтиҗәсез булуы турында расланган мәгълүмат юк. Киресенчә, вакцинация нәтиҗәлелеге вакыт белән расланган”, – ди ТР буенча Кулланучылар күзәтчелеге идарәсе җитәкчесе урынбасары Любовь Авдонина.
Республика баш санитар табибы урынбасары привика нәтиҗәсендә халыкның бик күп инфекцияләрне җиңүен билгеләп үтте. Ул вакцинация турында мәгълүматны Интернеттан түгел, ә ышанычлы чаралардан, ягъни фәнни мәкаләләрдән алырга чакырды.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев