Арча яңалыклары
Ункөнлектә нинди чаралар узачак?
Елдагыча, 1 декабрьдән 10 декабрьгә кадәр инвалидлар ункөнлеге игълан ителде. Шул уңайдан районда нинди чаралар үтәчәк? Без бу сорауны Арча районы инвалидлар җәмгыяте рәисе Рәмзия Хәмидуллинага бирдек.
– 1 декабрьдә Арча Мәдәният йортында инвалид балалар көче белән әзерләнгән онлайн концерт ункөнлекне ачып җибәрә, 1–10 декабрь көннәрендә (дүшәмбедән тыш) 11–13 сәгатьләрдә “Арча” спорт комплексында бушка йөзү оештырыла, 7–9 декабрьдә 8–11сәгатьләрдә Укыту үзәгендә аларга бушка чәч кисү хезмәте күрсәтәчәкләр. Районыбызның барлык музей һәм китапханәләрдә төрле очрашулар, шулай ук “Бердәм Россия” сәяси партиясендә депутатлар белән әңгәмәләр оештырыла.
Бүгенге көндә безнең районда барлыгы 6822 инвалид кеше исәпләнә, шуларның 529ы балалар.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев