Үз илемдә якын миңа бәрәңге бакчасы да...

Ул аккошларны күреп оныкларның сөенгәнен күрсәгез! Дүрт яшьлек оныгыбыз Камилнең кыланмышларын карап тору үзе бер хикмәт, бәйдән ычкынган бозаудан бер дә ким түгел, йөгерәме йөгерә.
Аккошлар янында үрдәкләр, акчарлаклар чыр-чу килә. Ул яңгырдан соң аңкыган хуш ис, саф һава! Тал песиләрендә бал кортлары гөжли, үги ана яфрагы чәчәкләре – үзләре бер хозурлык!
Чыгыгыз сез табигатькә, диваннарда кышын ятарсыз, күңел күзләрегез ачылып китәр, дөнья шундый матур, киң ул!