Арчаның 7нче балалар бакчасында шагыйрә белән очрашу узды

Наласа авылында яшәп иҗат итүче, Казан шәһәрендәге "Мәгариф-Вакыт" нәшриятенең  Татарстан язучылар берлеге әгъзасы, балалар шагыйрәсе Гөлчирә Мәхмүт кызы Нәҗметдинованы бакчабызга кунакка чакырдык. Бу очрашуны без зур түземсезлек белән көтеп алдык,шагыйрә апабыз  белән якыннан аралаша алуыбызга бик куандык.Гөлчирә апа үзенең балачак хәтирәләре белән уртаклашты,төпле киңәшләрен бирде.Без дә, үз чиратыбызда, балалар белән алдан әзерләнеп куйдык.Балалар шагыйрә апабыз иҗат иткән шаян шигырьләрне яттан сөйләделәр, җырладылар, биеделәр.Очрашу ахырында Гөлчирә апа истәлеккә үзенең китапларын бүләк итте. Шушы кичәгә безне хөрмәт итеп килгән өчен аңа чиксез рәхмәтебезне белдерәбез,ныклы сәламәтлек, гаилә иминлеге, иҗади уңышлар теләп калабыз.

Арчаның 7нче балалар бакчасының татар теле тәрбиячесе Ләйсән Мөхәмәтшина