36 пневмониянең берсе үлем белән тәмамланган

Табиблар вакцина ясарга кирәклеген әйтеп кисәтеп торалар үзе гел, тик тыңлыйсыбыз килми. Әллә ышаныч бетте, әллә өлгереп булмый, гриппка каршы  вакцина ясатылмый кала. Нәтиҗәләр аянычлы.

- Менә шул табиблар әйткәнне тыңламау нәтиҗәсендә  быел декабрь аенда гына да 5 пневмония теркәлде. Аның берсе - балада. Ә 2019 ел дәвамында барысы 36 пневмония теркәлде. 5се - балаларда. Бер өлкән яшьтәге кеше вафат булды. Ел дәвамында 720 кеше ОРВИ белән чирләде. 362 се -балалар. Бүгенге көндә дә вирус эләктереп авыручылар җитәрлек. Һава торышы да вирус өчен кулай тора. Бәйрәм вакытларында кеше күпләп йөри, сакланырга онытмагыз, - дип кисәтә табиб эпидемиолог Азат Гыймадиев.

Борыныгызга сыек май булса да сөртеп чыгып китегез  урамга, кайткач борын куышлыгын, кулларны сабынлып юыгыз. Җылы киенегез. 

Өегездәге катырылган җимешләрне, киптергән үләннәрне, температура төшерә торган даруларны барлап куйсагыз да яхшы. Лимонсыз, имбирсез тормагыз. Сәламәт булыйк!

Фото редакция архивыннан.

http://atnya-rt.ru/news/slamtlek/36-pnevmoniya-berse-lem-beln-tmamlangan