Балалар карда «мәктәп» сүзе ясап тезелгән видеодан соң, прокуратура тикшерү башлаган
Күзәтчелек ведомствосы Вишневка һәм Привольный бистәләре хакимиятнең гамәлләрен тикшерәчәк.
Күзәтчелек ведомствосы Вишневка һәм Привольный бистәләре хакимиятнең гамәлләрен тикшерәчәк.
Мәктәп, юллар һәм автобус булмауга бәйле рәвештә, Казанның Вишневка һәм Привольный бистәләре хакимиятенең гамәлләрен прокуратура тикшерәчәк. ТР прокурорының өлкән ярдәмчесе Руслан Галиев «Татар-информ» агентлыгына шулай дип белдерде.
«Татар-информ» агентлыгы социаль челтәрләрдә балаларның карга тезләнеп «мәктәп» сүзен ясап тезелүе сурәтләнгән видеоролик чыгуы хакында хәбәр иткән иде. Ролик авторы сүзләренчә, шул рәвешле балалар Вишневка һәм Привольный бистәләрендә мәктәп булмавына игътибарны юнәлтергә тырышкан.
Реклама
Руслан Галиев хәбәр иткәнчә, балаларның белем алуга хокукы - күзәтчелек ведомствосының приоритетында. Әлеге бистәләрдә хакимиятнең гамәлләрен тикшерү нәтиҗәләре буенча, прокуратура гражданнарның уңайлы һәм имин яшәү шартларына хокукын тәэмин итү өчен тиешле чаралар күрәчәк.
Чыганак: tatar-inform.tatar
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев