Яңалыклар
Буран һәм көчле җил сәбәпле, Татарстанда шторм кисәтүе игълан ителде
Якындагы көннәрдә республикада күп кар явуы һәм буран фаразлануы сәбәпле, Татарстанда шторм кисәтүе игълан ителде. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.
16 гыйнварда кич һәм 17 гыйнварда төнлә һәм көндез төбәк территориясендә һәм Казанда да көньяктан көчле җил көтелә, көчәйгәндә тизлеге секундына 17-22 метрга кадәр җитәчәк.
Сишәмбе 20.00 сәгатьтән чәршәмбе 11.00 сәгатькә кадәр җилнең тизлеге секундына 25-27 метр фаразлана, дип билгеләп үтте синоптиклар.
Моннан тыш, Татарстанда көчле җил, күз күреме 500 метр һәм аннан да азрак булырга мөмкин, кар күп явачак. Юлларда кар көртләре фаразлана.
«Татар-информ» хәбәр иткәнчә, Татарстан ЮХИДИ йөртүчеләрне һава торышы начарлануы турында кисәтте.
Чыганак: Татар-информ
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев