Дәүләт торак фонды Татарстанның оборона-сәнәгать комплексы хезмәткәрләрен торак белән тәэмин итүне дәвам итә

2023 елдан башлап Дәүләт торак фонды, Татарстан Республикасы Рәисе карары буенча, Казан, Яр Чаллы, Яшел Үзән һәм Менделеевск шәһәрләрендә урнашкан оборона-сәнәгать комплексы предприятиеләренә ярдәм күрсәтә.

2025 елда Яр Чаллы шәһәрендә «КАМАЗ» ГАҖ хезмәткәрләре өчен 4 күп фатирлы йортта 665 фатир арендага бирелгән.

Якын арада шәһәрнең 78 нче микрорайонында 179 фатирлы тагын ике аренда йортын файдалануга тапшыру планлаштырыла. «КАМАЗ» ГАҖ белгечләрен җәлеп итү өчен барлыгы 1 023 фатир тапшырылачак.

«Бу бик яхшы ярдәм. < > > Төзүчеләргә, Дәүләт торак фондына һәм «КАМАЗ»га рәхмәт белдерәм. Ышанам, бу карар производствога квалификацияле кадрларны җәлеп итү өчен этәргеч бирәчәк. Безнең автогигант-республика өчен генә түгел, тулаем ил өчен дә стратегик предприятие» - дип ассызыклады Татарстан Рәисе Рөстәм Миңнеханов быел арендага бирелә торган йортларның берсендә тантаналы рәвештә файдалануга тапшыру тантанасында.

Яшел Үзән шәһәрендә Оборона-сәнәгать комплексы хезмәткәрләренә 160тан артык фатир биреләчәк, Менделеевск шәһәрендә Дәүләт торак фонды инвестицияләре хисабына «Аммоний-2» хезмәткәрләре өчен бер 60 фатирлы йорт төзелә.

2025 елда Дәүләт торак фонды 162 мең кв. м. торак төзегән, бу 3 269 гаиләне яңа һәм уңайлы торак белән тәэмин итәргә мөмкинлек биргән.