Бу көннәрдә Татарстанда циклон йогынтысында урыны белән кыска вакытлы яшенле яңгырлар явып узды, секундына 15–20 метр тизлектә көчле җил булды.
Гидрометеоүзәк мәгълүматларына караганда, шимбә – 13 июльдә көнчыгыш районнарда яшенле яңгырлар яварга мөмкин, секундына 17 метрга кадәр тизлектә салкынча җил көтелә. Һава температурасы төшә: көндез +21…+26 градус, төнлә +10…+15 градус чикләрендә тирбәләчәк. Якшәмбе – 14 июльдә республика территориясендә антициклон урнашачак. Явым-төшемсез, җилсез диярлек. Көндез термометрның терекөмеш баганасы +23…+28 градуска кадәр күтәреләчәк. Төнге сәгатьләрдә +10…+15 градус. Синоптикларның башлангыч фаразлары буенча, киләсе атна башында кыска вакытлы яңгырлар яварга, урыны белән боз булырга мөмкин. Тагын эссе көннәр башлана: һава температурасы +25…+30 градуска кадәр күтәреләчәк.
Чыганак: https://vatantat.ru/2024/07/147087/
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев