Казаннан хезмәт ветераны Ирина Фәйзуллина 100 еллык юбилеен билгеләп үтә

"Ирина Фатыйх кызы 1926 елның 12 февралендә Алабугада педагоглар гаиләсендә туа. 1931 елда гаилә кыргыз икътисадын күтәрү өчен Урта Азиягә күчеп китә. Әтисе педагогика техникумында математика, физика һәм химия укыта. Ирина Фатыйховна активист иде, барлык иҗтимагый эшләрдә катнашты. 1942 елда аны комсомол оешмасының сәркатибе итеп сайлыйлар. Сугыш бара, шәһәрдә эвакогоспиталь урнаша. Мәктәп укучылары бинаны әзерләүдә, яралыларны кабул итүдә, шулай ук солдатларны юуда, медицина персоналына ярдәм итүдә актив катнаштылар», – дип сөйләделәр матбугат хезмәтендә.

1943 елда Ирина Фатыйх кызы унынчы сыйныфны яхшы билгеләргә тәмамлый һәм Ташкент тимер юл институтына укырга керә. Укырга апасы белән бергә китә. Ләкин уку урынына Казахстанда эшлиләр. Пешкән дөге генә ашый, ипи булмаган. Аннары Үзбәкстанда мамык җыя, һәм ел азагында гына чын уку башлана: уку планын куып җитү өчен көненә 12 сәгать дәресләр. Төннәрен сызымнар һәм өй эшләрен башкаралар.

"Салкын иде, ачлык иде... Җиңү көне аеруча истә калды: хәбәрләр көттек, төн буе йокламадык, ә иртәнге сәгать биштә урамга йөгердек һәм шатлыктан үтеп баручыларны кочакладык һәм күңел ачтык",-дип хәбәр итә матбугат хезмәте ветеран сүзләрен.

Чыганак: Татар-информ