Күп балалы гаиләләр өчен өстәмә ял көне булачак?

Дәүләт Думасының гаиләне яклау комитеты башлыгы Нина Останина Россиядә 8 июльдә билгеләп үтелә торган Гаилә, мәхәббәт һәм тугрылык көнен күпбалалы ата-аналар өчен ял көне итәргә тәкъдим итә. Тиешле мөрәҗәгать РФ хезмәт һәм социаль яклау министры Антон Котяков исеменә юлланган, дип тапшыра РИА Новости.

"Россия гаиләләреннән бу бәйрәмне күп балалы ата-аналар өчен ял көне итү турындагы  мөрәҗәгатьләр килә. Бу Гаилә елында дәүләтнең күп балалы гаиләләр турында кайгыртуын күрсәтә", - диелә мөрәҗәгатьтә.

Чыганак: https://shahrikazan.ru/news/kyiskacha-ya%D2%A3alyiklar/kup-balaly-gailalar-ocen-tagyn-ber-ial-kone-barlykka-kilerga-momkin