Лицейда һөҗүм итүче укучыны туктаткан җыештыручыга 500 мең сум түләячәкләр
Түбән Каманың 37 нче лицеенда булган вакыйгада зыян күргән җыештыручы Алсу Әнәсовага 500 мең сум күләмендә акчалата ярдәм күрсәтеләчәк. Бу хакта эшлекле дүшәмбе утырышында Түбән Кама муниципаль районы башлыгы Радмир Беляев хәбәр итте.
Менә arskmedia.ru сайты формат
Район башлыгы сүзләренчә, Алсу Әнәсова укучының игътибарын үзенә юнәлтеп, вазгыятьнең тагын да җитдирәк нәтиҗәләргә китерүен булдырмый калган. «Аның батыр һәм тиз карары нәтиҗәсендә фаҗигале хәл тирәнәеп китмәде», — дип билгеләп үтте Радмир Беляев.
Хәзерге вакытта зыян күрүченең хәле тотрыклы, аның тормышына куркыныч янамый. Шулай ук мәктәп коллективының хәлгә оператив һәм төгәл җавап бирүе ассызыкланды.
Мәктәптә гадәттән тыш хәл вакытында директор урынбасары радиоэлемтә аша хәбәр иткән. Укытучылар һәм укучылар кабинетларга кереп бикләнгән, ишекләргә баррикадалар корылган. Махсус хезмәтләр килеп җиткәнче, барысы да урыннарында калган.
Фаҗига 22 гыйнварда булды. 7 сыйныф укучысы лицейга пычак алып килеп, техник хезмәткәрне яралаган, аннары сигнал коралыннан аткан. Соңыннан ул үзе дә зыян күргән. Үсмерне Росгвардия хезмәткәрләре тоткарлаган, хәзер ул хастаханәдә дәвалана.
Тикшерү комитеты «Кеше үтерергә тырышу» һәм «Ваемсызлык» маддәләре буенча җинаять эше кузгатты. Һөҗүм итүче укучының гамәл мотивлары ачыклана. Вакыйгада һәлак булучылар юк
Чыганак: Интертат.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев