Ноябрь аенда нинди һава торышы көтелә? (фараз)

автор, 18 октябрь 2019 - 09:13

1819

Россиядә ноябрь аенда температура нормадан югары булачак. Бу хакта Россия Гидрометеорология үзәге лабораториясе мөдире Людмила Паршина әйтте дип яза lenta.ru сайты.

Ноябрь аенда нинди һава торышы көтелә? (фараз)

Паршина әйтүенчә, Мәскәүдә, Вологда, Түбән Новгород, Ленинград, Псков өлкәләрендә һәм Идел буенда гадәттәгедән җылырак булачак. Шулай ук Урал, Ханты-Мансийск округында, Ямалда, Приморьеда, Хабаровск краенда, Магадан өлкәсендә һәм Камчаткада да җылы булачак.

Төньяк регионнарда да җылы һава торышы көтелә. Мурманск һәм Архангельск өлкәсендә, Карелиядә, Комида да һава температурасы нормадан бер градуска җылырак булачак.

Ә Россиянең көньягында, киресенчә, суытачак. Краснодар краенда һәм Кырымның көньяк өлешендә температура түбәнрәк булачак.