Психиатр россиялеләрне Яңа елны аек килеш каршы алырга өнди

Россия психиатры, Дәүләт Думасының сәламәтлек саклау комитеты әгъзасы Борис Менделевич Яңа ел бәйрәмнәрендә гражданнарга аек булып калырга тәкъдим итә.Бу хакта Интерфакс хәбәр итә.

«Яңа ел алдыннан, кагыйдә буларак, күпләр тормышны яңадан башларга, тормышны үзгәртергә, яхшырак булырга тели. Мин Яңа елны аек килеш башларга киңәш итәр идем. Һәр кеше күңеленә хуш килгән шөгыль таба ала һәм Яңа елны күңелле, якты һәм сәламәтлеге өчен файдалы итеп билгеләп үтә алыр дип ышанам!» — диде ул «Интерфакс"ка.

Аның фикеренчә,"яхшы кәеф һәм бәйрәм атмосферасы өчен алкоголь бөтенләй кирәк түгел, иң мөһиме, туры килә торган альтернатива табарга кирәк — кышкы урам уеннары, биюләр яки гаилә өстәл уеннары һәм башкалар».

«Өстәвенә, спиртлы эчемлекләр куллану, бигрәк тә балалар янында, үсеп килүче буында: хәмерсез бәйрәм бөтенләй бәйрәм түгел, дигән ассоциация тудыра», — диде психиатр.

Татар-информ