Синоптик октябрь башында Татарстанда әбиләр чуагы булачагын әйтте

Бу көннәрдә һава температурасы 16 градуска кадәр күтәреләчәк, дип хәбәр итте «Татар-информ»га «Метео» һава торышы үзәге синоптигы Александр Ильин.

«2 – 6 октябрь көннәрендә Татарстанда җылытачак. Һава температурасы кабат +13..+16 градуска күтәреләчәк. Бу чорда явым-төшемнәр көтелми, аяз һәм коры һава торышы булачак», – диде агентлык әңгәмәдәше.

Аның сүзләренчә, Идел буе федераль округының көньягында һава температурасы 20 градустан та югары була.

Чыганак: Чыганак

Хәзер Арча һәм Арча районы яңалыкларын безнең МАКС каналыннан  да белә аласыз