Татарстан ярлылык дәрәҗәсе иң түбән төбәкләр арасында
Татарстан Россиядә ярлылык дәрәҗәсе иң түбән булган төбәкләрнең берсе булып танылды. «РИА Новости» әзерләгән рейтинг нәтиҗәләренә караганда, республикада ярлылык чигеннән түбән керемле халык өлеше 3,3 проценттан артмый.
Росстат мәгълүматларына нигезләнеп төзелгән рейтингта Россия төбәкләрендә халыкның керем дәрәҗәсе һәм ярлылык күрсәткечләре бәяләнгән. Татарстан Санкт-Петербург һәм Чукотка автоном округы белән беррәттән иң уңай нәтиҗәләр күрсәткән төбәкләр исемлегенә кергән.
Тикшеренү авторлары төбәкләрне медиан керемнәрнең товарлар һәм хезмәтләрнең билгеләнгән җыелмасы бәясенә нисбәте буенча чагыштырган. Әлеге күрсәткеч төбәкләрдә яшәү дәрәҗәсен бәяләүдә төп критерийларның берсе булып тора.
2025 ел нәтиҗәләре буенча Россиядә ярлылык дәрәҗәсе 6,7 процент тәшкил иткән. Бу узган ел белән чагыштырганда 0,4 процентка кимрәк. Шул ук вакытта илдә реаль акчалата керемнәр дә үсүен дәвам иткән.
Белгечләр фикеренчә, Татарстанның тотрыклы күрсәткечләре республика икътисадының үсеше, җитештерү тармакларының актив эшләве һәм нәтиҗәле идарә белән бәйле. Икътисадчы Михаил Беляев сүзләренчә, төбәктә социаль-икътисади сәясәт озак вакытлы уңай нәтиҗәләр бирә.
«Төбәктә икътисади процессларны рациональ идарә итү күзәтелә. Бу республика халкының тормыш дәрәҗәсе яхшыру өчен ныклы нигез булып тора», – дип билгеләп үткән белгеч.
Рейтингта шулай ук Мәскәү, Ямал-Ненец автоном округы һәм Чукотка автоном округы да алдынгы урыннарны биләгән. Әмма ярлылык дәрәҗәсе буенча Татарстан Россиянең иң уңышлы төбәкләре арасында кала.
Белгечләр фаразлавынча, халыкның реаль керемнәре арту дәвам иткән очракта, 2026 елда да Россиядә ярлылык күрсәткече түбәнәю тенденциясен саклап калачак.
Чыганак:Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев