Министрлар Кабинеты ЗАГС идарәсе башлыгы Гөлшат Нигъмәтуллина аңлатып үткәнчә, бу, 2020 елда коронавирус пандемиясе таралу сәбәпле, кавышу-аерылышуларны теркәү эшчәнлегенең туктатып торылуына гына бәйле. «Алдагы еллардагы статистика белән чагыштырганда, таркалган никахларның гомуми саны бер үк дәрәҗәдә диярлек кала», – дигән ул.  Республикада, әйтик, 2018 елда – 13456, 2019 елда 13316 гаилә пары аерылышкан. 1000 никахка барлыгы 603 аерылышу туры килә.

Белгечләр фикеренчә, гаилә тормышының беренче 5-10 елы иң катлаулысы булып тора, шуңа күрә нәкъ менә шул вакыт аралыгында гаиләләр ешрак таркала. Моңа күп очракта матди хәл,  аңлашылмаучанлык, хыянәт сәбәпче була