Татарстанда «Җәяүле» профилактик чарасы уза
24 июньнән 3 июльгә кадәр Татарстан территориясендә юл-транспорт һәлакәтләре санын киметү һәм юл хәрәкәте кагыйдәләрен бозу очракларын киметү максатында «Җәяүле» рейд чаралары уздырыла. ДАИ хезмәткәрләре юл аша чыгу кагыйдәләрен үтәүгә, машина йөртүчеләр тарафыннан җәяүлеләргә өстенлек бирүгә, шулай ук шәхси хәрәкәт чараларын куллану тәртибенә аерым игътибар бирәчәк.
Татарстанда юл хәрәкәте иминлеген тәэмин итү максатыннан киң күләмле профилактик рейд башланды. 24 июньнән 3 июльгә кадәр республика буйлап юл-патруль хезмәте хезмәткәрләре «Җәяүле» акциясе кысаларында тикшерүләр үткәрә.
Рейд вакытында ДАИ инспекторлары түбәндәге юнәлешләргә аерым игътибар итә:
- җәяүлеләрнең юлны көйләнгән һәм көйләнмәгән урыннарда дөрес чыгуы;
- машина йөртүчеләрнең «Зебра» аша чыгучыларны уздыруы;
- электросамокат һәм башка шәхси хәрәкәт чараларын куллану кагыйдәләрен бозу очраклары.
Дәүләт автоинспекциясе барлык юл хәрәкәте катнашучыларын сак булырга чакыра.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев